Apple birinchi marta iPad ishlab chiqarishni Xitoydan Vyetnamga ko'chirdi

Shanxay va uning atrofidagi jiddiy COVID cheklovlari bir necha oylik ta'minot zanjiri uzilishiga olib kelganidan keyin Apple o'z tarixida birinchi marta iPad ishlab chiqarishining bir qismini Xitoydan Vetnamga ko'chirmoqda. Bu haqda Nikkei Asia nashri xabar berdi.

Ayni paytda “iPad” yetkazib berish zanjirining katta qismi Xitoyda. Xabarlarga ko'ra, Apple 2021 yilning yanvar oyidan boshlab iPad ishlab chiqarishining kamida bir qismini Vyetnamga ko'chirishdan manfaatdor, biroq o'tgan yildagi muammolar ko'chirishni kechiktirdi. Endi Apple ishlab chiqarishning bir qismini Xitoydan o'tkazishni tezlashtirishi kerak.

Vetnamda iPad uchun yangi ishlab chiqarish liniyalarini yaratish bilan Apple Xitoyning BYD kompaniyasiga yordam berdi. Tez orada bu liniyalar oz sonli Apple planshetlarini ishlab chiqarishni boshlaydi.

‌iPad‌ AirPods’dan keyin Vyetnamda ishlab chiqarilgan Apple’ning ikkinchi mahsuloti bo‘ladi.