BYD arzon elektromobili darhol xitga aylandi: BYD Seagull avtomobiliga 24 soat ichida 10 000 ta buyurtma olindi

BYD (Build Your Dreams) 2023-yilgi Shanxay avtomobil ko'rgazmasida yangi boshlang'ich darajadagi Seagull elektr xetchbekini taqdim etdi va darhol oldindan buyurtmalarni qabul qila boshladi.

Endi BYD Ocean seriyasining bir qismi bo'lgan BYD Seagull elektromobiliga birinchi 24 soat ichida 10 000 ta buyurtma kelganligi e'lon qilindi. Seagull Inv 3.0 elektr platformasida qurilgan va ikkita versiyada taqdim etilgan. 11,400 dollarlik kichik versiyada 30 kVt / soat natriy-ionli qayta zaryadlanuvchi batareya va 305 km quvvat zaxirasi mavjud. Katta versiyada 38 kVt / soat lityum temir fosfat qayta zaryadlanuvchi batareya va 405 km quvvat zaxirasi mavjud bo'lib, uning narxi 13,900 dollarni tashkil qiladi.

Seagull 75 yoki 102 ot kuchi quvvati va maksimal tezligi 130 km/soatni tashkil qiladi. Uning o'lchamlari 3780 x 1715 x 1540 mm, g'ildirak bazasi esa 2500 mm. BYD tomonidan ishlab chiqarilgan "Chayka" 4 o'rinli va 5 eshikli konfiguratsiyalarga ega.

Seagull ichida 5 dyuymli asboblar paneli va 12,8 dyuymli axborot-ko'ngilochar tizim mavjud. Rulning pastki qismi kesilgan, salonda simsiz zaryadlash va ikkita stakan ushlagichi mavjud.