iPhone ishlab chiqarish uchun 1200 kishi, Android smartfonlarini yaratish uchun esa 100 kishi kerak

Foxconn’ning iPhone yig‘ish bo‘limining yangi rahbarining aytishicha, Xitoyning Android smartfonlarini ishlab chiqaradigan ishlab chiqarish liniyasiga atigi 100 nafar ishchi kerak, shunga o‘xshash iPhone ishlab chiqarish liniyalari esa 1200 nafar xodimni talab qiladi. Uning ta'kidlashicha, Apple o'z mahsulotlari sifatiga juda yuqori talablar qo'yadi.

Apple’ning asosiy ishlab chiqarish hamkori Foxconn Technology Group yaqinda iPhone yig‘ish bo‘limining yangi rahbarini tayinladi va kompaniya pandemiyadan keyingi dunyoda harakat qilishda yordam berish uchun yetakchilarning yangi avlodini tayyorlayotganini aytdi.

Maykl Chan uzoq yillik rahbar Van Charng-yan o‘rniga iPhone yig‘ish bo‘limi boshlig‘i lavozimini egalladi. Maqolada ta'kidlanishicha, bu o'zgarish o'tgan yil oxiridagi norozilik namoyishlari va ishchilarni ishdan bo'shatish bilan bog'liq emas. Ammo Bloonbergning yozishicha, AQShda tahsil olgan Chan tartibsizliklarni tinchlantirishda chindan ham muhim rol o‘ynagan.