Oyda endi 4G ushlaydi: Nokia va NASA sun’iy yo‘ldoshga internet yetkazdi

Nokia kompaniyasi NASA bilan birgalikda tarixdagi birinchi 4G LTE tizimi - Lunar Surface’ni Oyga o‘rnatdi. Bu katta hajmdagi ma’lumotlarni, shu jumladan 4K sifatidagi videoni uzatish uchun muhim bo‘lgan lunoxodlar va qo‘nish modullari o‘rtasida yuqori tezlikdagi aloqani ta’minlash imkonini beradi. 4G tizimini o‘rnatish lunoxodlarni boshqarishni yaxshilaydi, reaksiya vaqtini qisqartiradi va buyruqlarni uzatishni osonlashtiradi.

Lunar Surface’ning asosiy afzalligi - qurilmalar o‘rtasidagi kechikish vaqtining sezilarli darajada qisqarishidir. Avvallari Oydagi robotlarga ma’lumot va buyruqlarni uzatish uchun ko‘p vaqt talab etilardi. Endi esa 4G tufayli lunoxodlarni boshqarish tezroq va samaraliroq bo‘ladi.

Kelajakda ushbu texnologiya astronavtlarga zamonaviy aloqa vositalaridan, jumladan, real vaqt rejimida video va ovozli uzatishdan foydalanish imkonini beradi, shuningdek, uzoq muddatli missiyalar uchun zarur bo‘ladigan Oydagi kelajakdagi aloqa tizimlariga yo‘l ochadi.