"Sayohat narxiga nima ta’sir qiladi?": "Yandeks Go da taksi chaqirish narxining tafsiloti paydo bo‘ldi

Yandex jamoasi "Yandex Go" xizmati foydalanuvchilari uchun foydali yangilanishni ishga tushirdi. "Yandeks Go" ilovasida taksi buyurtmasi narxiga nima kirishi batafsil ko‘rsatilgan bo‘lim paydo bo‘ldi. Taksi uzil-kesil chaqirilgunga qadar tafsilotlar bilan narxni bilib olishingiz mumkin.

Kompaniya quyidagilarni ta’kidladi:

Narxni batafsil tahlil qilish sizga tezda qaror qabul qilishga yordam beradi: hozir taksi oling, biroz kuting yoki jamoat transportida boring.

Shuningdek, "Yandeks Go" saytida narxni shakllantirishda qanday omillar hisobga olinishi bilan tanishish mumkin. Ta’sir qiluvchi omillar orasida tig‘iz soatlar, ob-havo, bolalar o‘rindig‘i kabi qo‘shimcha imkoniyatlar va boshqalar bor.