Google Search yangi Gemini 4 Hydrogen modeli yordamida murakkab savollarga yaxşiroq javob beradi

Google qidiruv tizimi bir neça qismdan iborat savollarni, juda aniq sörovlarni va xatolar bilan yozilgan matnlarni yaxşiroq tuşunadigan böldi. TechCrunch naşri xabar berişiça, yangilanişning asosida Gemini 4 Hydrogen modeli turadi. Google uni Search uçun hozirgaça bölgan «eng katta model yangilanişi» deb ataydi.

Kompaniyaning eng kuçli modellari Gemini 4 Carbon va Gemini 4 Argon murakkab masalalar ustida çuqur fikrlaşga möljallangan. Hydrogen esa agent rejimidagi vazifalarni, ya’ni sun’iy intellekt bir neça qadamni mustaqil bajaradigan işlarni tez bajariş uçun yaratilgan. Google ma’lumotlariga köra, u oldingi tezkor model Gemini 3.8 Flash’ga nisbatan vazifalarni 2,5 baravar tezroq bajaradi. Standart yuqori fikrlaş darajasida u Artificial Analysis Intelligence Index reytingida Gemini 4 Argon’dan ham yuqori natija körsatgan, Agent Arena’ning köp bosqiçli vazifalar testlarida esa beşinçi örinni egallagan.

Qidiruvda yangi model foydalanuvçi niyatini yaxşiroq anglaydi, körsatmalarga aniqroq amal qiladi va vositalarni toğri çaqiradi. U oğir öqiladigan xatolarni ham yaxşiroq tuşunadi. Sörovni bir neça kiçik sörovga bölib, foydalanuvçi örkazib yuborişi mumkin bölgan saytlarni topadigan «fan-out» usuli ham takomillaştirildi.

AI Mode rejimida javoblar endi köproq rasmlar, tuzilgan matnlar, taqqoslaş jadvallari va maxsus vositalar bilan körsatiladi. AI Mode qöllab-quvvatlaydigan barça tillarda javoblar sifati ham oşgan. Hydrogen’da törtta fikrlaş darajasi bor: past, örta, yuqori (standart) va yangi «xhigh» darajasi. Model kod yoziş, testlarni işga tuşiriş va kod özgarişlarini tekşiriş kabi kundalik vazifalarni mustaqil bajara oladi yoki Carbon va Argon bilan birga işlay oladi.

Yangilanişlar butun dunyo böyiça barça Search foydalanuvçilariga bosqiçma-bosqiç tarqatilmoqda. Gemini 4 Hydrogen Google AI Studio’ning barça tariflarida, Gemini API va Gemini ilovasida paydo böladi. Google Antigravity dasturlaş platformasida esa model pullik AI Pro va Ultra obunaçilari uçun oçiladi.