Lynk & Co 10-noyabrda uzunligi 5280 mm bölgan yetti örinli 900L gibrid krossoverini taqdim etadi

Geely’ga qaraşli Lynk & Co brendi 2026-yil 10-noyabrda 900L krossoverining premyerasini ötkazadi. CarNewsChina naşri xabar berişiça, bu 900 modeli oilasiga qöşiladigan yetti örinli plagin-gibrid versiya bölib, hozir sotuvda bölgan beş va olti örinli variantlar qatoridan joy oladi. Xitoy bozorida sotuv 2026-yil oxirida boşlanişi rejalaştirilgan. Kompaniya model nomi uçun ommaviy takliflar ham yiğmoqda.

Avtomobilning öldi qismi qayta işlangan: kengroq yaxlit faralar bloki, kattalaştirilgan havo oluvçilar va tomning old qismida joylaşgan LiDAR paydo bölgan. Naşr dizaynni Range Rover’ga öxşatadi: yaltiroq qora ustunlar «suzib yurgan tom» effektini beradi, kuzov panellari tekis, oynalar esa kuzov bilan bir tekislikda. Model 21 dyuymli ğildiraklar, yarim yaşirin eşik tutqiçlari, orqada yorituvçi logotipli butun kenglikdagi çiroq çizigi hamda faqat unga xos Mellow Wine Red rangini oladi.

900L ning uzunligi 5280 mm ni taşkil etadi, bu standart 900 dan 40 mm köp. Ğildiraklar oraliği 10 mm ga oşib, 3170 mm ga yetgan, kengligi (1999 mm) va balandligi (1810 mm) esa özgarmagan. Rasmiy hujjatlarda uç xil vazn körsatilgan: 2880, 2965 va 3045 kg. Ayrim versiyalar tormozli tirkamada 2000 kg gaça yuk torta oladi.

Hujjatlarga köra, krossover quvvati 160 kVt (215 ot kuçi) bölgan 2.0 litrli BHE20-EFZ turbodvigateli bilan jihozlanadi va soatiga 225 km gaça tezlik oladi. OAV ma’lumotlariga köra, unda ikki elektr motorli tizim, 55,1 kVt·soat yoki 70 kVt·soat siğimli batareya bölişi mumkin. Bu batareyalar bilan CLTC sikli böyiça faqat elektrda yuriş masofasi mos ravişda 320 va 430 km ni taşkil etadi, biroq bu raqamlarni kompaniya hali tasdiqlamagan.

Yangi model Lynk & Co uçun muhim paytda çiqmoqda. China EV DataTracker ma’lumotlariga köra, 2026-yil sentabrida asl 900 bor-yöği 629 dona sotilgan, bu ötgan yilning şu davriga nisbatan 91,4 foiz kam. Brendning umumiy sotuvi esa 44,4 foizga qisqarib, 16 584 donaga tuşgan. 900L Aito M9 va Li Auto L9 kabi modellar bilan raqobatlaşadi.