Apple boş direktori Jon Ternus kompaniyaning birinçi buklanuvçi smartfoni iPhone Duo taqçil ekanini tan oldi. Reuters agentligiga bergan intervyusida u «Bugungi kunda Duo taqçil» deb aytdi va talab bilan taklif qaçon muvozanatga kelişini kompaniya hozirça oldindan ayta olmasligini qöşimça qildi. Bu haqda 3DNews va 9to5Mac naşrlari xabar berdi.
Ternus’ning söziga köra, işlab çiqariş hajmi yaxşi sur’atda oşirilmoqda va Apple qurilmani imkon qadar köproq xaridorga tezroq yetkaziş uçun harakat qilmoqda. iPhone Duo’ga oldindan buyurtmalar 16-oktyabr kuni boşlanişi bilanoq birinçi partiya darhol sotilib ketgan edi. Apple onlayn dökonida yetkaziş muddati öşandan beri özgarmagan va hamon yanvar oxirini körsatmoqda.
Intervyu Apple 2026 moliyaviy yilining törtinçi çoragi böyiça rekord natijalarni e’lon qilganidan keyin bölib ötdi. Kompaniya daromadi 114,5 mlrd dollarni taşkil etib, 12 foizga ösdi va umuman olganda Wall Street kutganidan yuqori böldi. Biroq hisobotda iPhone Duo sotuvlari haqida ma’lumot yöq: çorak iyuldan sentyabrgaça bölgan davrni qamrab oladi, Duo esa faqat oktyabrda sotuvga çiqqan.
Ternus smartfon ekranining ički qismida yoriqlar paydo bölayotgani haqidagi xabarlarni rad etmadi, biroq bunday holatlar nisbatan kam ekanini aytdi. Uning ma’lum qilişiça, displey nosozligi sababli qaytarilgan Duo qurilmalari «juda kiçik foizni» taşkil etadi. Apple bunday qurilmalarni yangisiga almaştirib bermoqda.
Barça yangiliklar
Mavzuga oid yangiliklar
Ijtimoiy tarmoqlar:
Barça huquqlar himoyalangan ©
Render Systems 2022-2026