Xorijiy IT gigantlar 9 oyda Özbekistonda 232,8 mlrd söm soliq töladi: Apple yetakçi, Anthropic beşinçi

Özbekistonda elektron xizmatlar körsatayotgan xorijiy kompaniyalar 2026-yilning yanvar–sentabr oylarida 232,8 mlrd söm soliq töladi. Bu 2025-yilning şu davridagi 124,8 mlrd sömdan 86,5 foiz köpdir. Bu haqda Davlat soliq qömitasi matbuot xizmatiga tayanib Spot naşri xabar berdi.

Şu davrda xorijiy kompaniyalar körsatgan elektron xizmatlar hajmi ham 85,2 foizga oşib, 1,04 trln sömdan 1,94 trln sömga yetdi. Soliq tölovçi sifatida röyxatdan ötgan xorijiy raqamli xizmatlar soni 2025-yil 1-yanvarda 63 ta, 2026-yil 1-yanvarda 78 ta bölgan bölsa, 2026-yil oktabr holatiga köra 109 taga yetdi. Bu 2025-yil boşiga nisbatan 46 ta köp.

Töqqiz oy yakuniga köra eng yirik soliq tölovçilar quyidagilar: Apple — 54,2 mlrd söm, Google — 52,6 mlrd söm, Meta — 46,7 mlrd söm, Valve Corp. — 22,8 mlrd söm, Anthropic — 14 mlrd söm, OpenAI — 10 mlrd söm. Röyxatni Midasbuy (4,8 mlrd söm), Booking.com (4,2 mlrd söm), TikTok (2,4 mlrd söm) va Anysphere (2,2 mlrd söm) davom ettiradi.

Yilning birinçi yarmiga nisbatan önlikka kirgan kompaniyalar özgarmagan, biroq ularning örni va tölov summalari özgargan. Apple Google’dan ajralişni kuçaytirdi: yarim yillik natijalarga köra farq bor-yöği 0,3 mlrd söm edi. Meta va Valve uçinçi hamda törtinçi örinni saqlab qoldi, ularning tölovlari mos ravişda 29,9 mlrd sömdan 46,7 mlrd sömga va 15,8 mlrd sömdan 22,8 mlrd sömga ösdi. Anthropic oltinçi örindan beşinçi örinni egalladi, OpenAI esa tölovlari köpaygan bölsa-da, oltinçi öringa tuşdi. TikTok töqqizinçi öringa kötarildi, Anysphere esa öninçi öringa tuşdi.

Özbekistonda elektron xizmatlar körsatuvçi xorijiy yuridik şaxslar soliq hisobotlarini topşirişi va soliqni çorak tugaganidan keyingi oyning 20-sanasidan keçiktirmay tölaşi şart.