Nio rahbari Uilyam Li: avtomobil 1,2 baravar oğirlaşsa, yöllarga yetadigan zarar ikki baravar oşadi

Nio asosçisi, direktorlar kengaşi raisi va boş direktori Uilyam Li (William Li) Xitoyda avtomobillar tobora oğirlaşib borayotgani haqida yana ogohlantirdi. U 5-noyabr, payşanba kuni Zhejiang provinsiyasining Wuzhen şahrida bölib ötgan 2026-yilgi Butunjahon internet konferensiyasi doirasidagi avtomobil sanoati keçki forumida çiqiş qildi. Bu haqda Yicai naşri xabar berdi.

Li’ning aytişiça, ayrim modellarga siğimi 120 kVt·soatgaça bölgan va 700–800 kg keladigan batareyalar örnatilmoqda. U bunday oğirlik yöllarga qanday ta’sir qilişini kimdir hisoblab körganmi, degan savolni qöydi. Uning sözlariga köra, avtomobil vazni 1,2 baravar oşsa, yöl qoplamasiga yetadigan zarar 2,07 baravar köpayadi. Bu yöl muhandisligidagi «törtinçi daraja qonuni»ga mos keladi: yöl qoplamasining yemirilişi öq yuklamasining törtinçi darajasiga mutanosib ravişda ösadi.

Forumda Li Geely Holding raisi Li Şufu (Eric Li) bilan birga çiqiş qildi. Bu ikki kompaniya 28-sentyabrda quvvatlaş va batareya almaştiriş böyiça keng qamrovli strategik hamkorlikka kelişganidan beri ularning birinçi ommaviy suhbati böldi. Rahbarlar batareyalarning xizmat muddati va energiya töldiriş masalalarini muhokama qilişdi.

Nio batareya bloklari odatda 400–500 kg keladi. Li buning oqibatida kompaniya kamroq siğim va qisqaroq yuriş masofasi bilan çeklanişga majbur ekanini, biroq şu doirada yeçim izlaşda davom etişini aytdi. «Buning uçun bizni taqdirlaşadimi? Bilmayman», — dedi u. Li bu mavzuni avval ham kötargan: 2026-yil may oyida u Xitoydagi 300 mln dan ortiq avtomobil oğirlaşsa, yöllar ezilib ketişini aytib, vazn böyiça davlat darajasida çeklovlar joriy qilişga çaqirgan edi.

Xitoy Sanoat va axborotlaştiriş vazirligi ma’lumotlariga köra, 2024-yilda yangi yengil avtomobillarning örtaça vazni 1704 kg ga yetgan, bu 2012-yildagi 1312 kg dan qariyb 400 kg köp. Yicai xabariga köra, 2026-yilning dastlabki tört oyida yangi energiyali yengil avtomobillarning örtaça vazni 1939,3 kg ni taşkil etgan. Naşr Xitoy regulyatorlari avtomobil vazniga asoslangan soliq islohotini örganişni boşlaganini ham ma’lum qildi.